Конъюнктивит

Клиникалық жіктелуі:

Ағымы ұзақтығы бойынша::
1. жіті (ұзақтығы 4 аптаға дейін)
2. созылмалы (4 аптадан көп)

Этиологиялық фактор бойынша:
1. Бактериальды
2. Вирусты
3. Аллергиялық
4. Аутоиммунды
5. Хламидиялық
6. Химиялық не механикалық әсердің нәтижесінде дамыған.
(Федоров, Ярцева, Исманкулов./“Глазные болезни”/Москва/2005).
 

Диагностикалық іс-шаралардың негізгі және қосымша тізімі :

Негізгі диагностикалық тексерулер: анамнез жинау, объективті зерттеу (биомикроскопия), көру өткірлігін тексеру, физикальды тексеру.

Қосымша диагностикалық шаралар: флюоресцинмен бояу, сүртіндіні микроскопиялық зерттеу, конъюнктиваның шығындысын егу.

Жоспарлы госпитальдауға жіберу үшін минимальды тексеру тізімі: жоспарлы госпитальдау көрсетілмеген

Стационарлық деңгейде жүргізілетін негізгі (міндетті) диагностикалық тексерулер: анамнез жинау, объективті зерттеу (биомикроскопия), көру өткірлігін тексеру, физикальды тексеру, сүртіндіні микроскопиялық зерттеу, конъюнктиваның шығындысын егу.

Стационарлық деңгейде жүргізілетін қосымша диагностикалық тексерулер: жас өнімін бағалау, флюоресцеинмен бояу.

Жедел шұғыл медициналық көмек деңгейінде жүргізілетін  диагностикалық тексерулер:  анамнез жинау,  физикальды тексеру.

Диагностикалық критерийлер***
Шағымдар мен анамнез: Ауру жедел дамиды, “қабақтың жабысуы”, көздің кесіп ауруы, қышыну (көбінесе аллергиялық реакциялармен байланысты), конъюнктивальды қуыстан көп мөлшерде шырышты, іріңді сұйықтықтың ағуы, кейде жарықтан қорқу тәрізді субъективті белгілерімен көрінеді.

Физикалды тексеру:

Объективті: блефароспазм, қабақ пен көз алмасы конъюнктивасының  ісінуі, қалыңдауы, гиперемиясы.

 
Зертханалық зерттеулер:
Сүртіндіні микроскопиялық зерттеу нәтижесінде қоздырғышты анықтау. Конъюнктивальды қуыстан алынған патологиялық шығындыны егудегі өсуді анықтау.
 
Аспаптық зерттеулер:
Биомикроскопия – конъюнктива гиперемиясы мен борпылдақтығы.  Фолликулалардың ұлғаюы, эксудативті қабықтың пайда болуы.
Диагностикалық критерийлер:
 
Бейінді мамандардың кеңесі үшін көрсетімдер:  
Аллерголог – конъюнктивит этиологиясын анықтау үшін (аллергиялық).
Комбустиолог – химиялық күйіктен дамыған конъюнктивит кезінде.
Фтизиатр – конъюнктивит этиологиясын анықтау үшін
Венеролог – гонококпен шақырылған конъюнктивит кезінде
 

Сараланған диагноз:
 
 

Емдеу мақсаты: Қоздырғышты анықтап, конъюнктивадағы қабыну үдерісін тоқтату.
 
Емдеу тәсілі:

Дәрі-дәрмексіз емдеу:  
- кератит дамуын болдырмау мақсатында көзді таңып тастауға болмайды.
- инфекция түспеу үшін көзді ағынды суға жанастырмау.
 
Дәрі-дәрмекпен емдеу:

Конъюнктивальды қуыстан бөлінген шығындыларды механикалық алып тастау үшін, көзді антисептиктермен - 1% повидон-йодид не калий перманганатының ерітіндісімен шаяды.
Бактерияға қарсы емдеу іріңді шығындылар болғанда 3-7 күнге тағайындалады. Конъюнктивалды қапшыққа антимикробты дәрілік препараттарды алғашқы күндері 2-4 сағат сайын тамызады, қабыну процесі басылған соң тәулігіне 3-6 ретке дейін азайтады. Емдеу уақыты 7-10 күн.
Бактерияға қарсы емдеу: хлорамфеникол 0,25% көз тамшылары – бірінші қатар антибиотигі (балаларға 1 жастан  8 жасқа дейін – әр көзге 1  тамшы күніне 3-4 рет, 8 жастан асқан балаларға және ересектерге әр көзге 1 тамшы күніне 3-4 рет. Емдеу уақыты 5-7 күн), Офлоксацин 0,3% көз тамшылары (Ересектер мен балаларға: конъюнктивальды қапқа 1-2 тамшыдан күніне 3-4 рет. Емдеу уақыты 12-14 күн).
Натрий сульфацетамид көз тамшылары, (конъюнктивальды қапқа тамызады: ересектерге 30% ерітінді 1-2 тамшыдан күніне 2-3 рет; балаларға: 20% ерітіндіні 1 жастан 1-2 тамшыдан күніне 2-3 рет, жаңа туылған балаларға туылған соң 2 тамшыдан, 2 сағаттан соң 2 тамшы тамызады. Емдеу уақыты 5-7 күн және ауру ағымына байланысты), неомицин 0,5% көз тамшылары (Ересектерге: конъюнктивалды қапқа 1-2 тамшыдан әр 1-2 сағат сайын 1 күн бойына, мөлшерді ақырындап төмендетеді 1-2 тамшы күніне 3-4 рет. Емдеу уақыты 7 күннен артық емес. Балаларға 6 жастан: конъюнктивальды қапқа 1-2 тамшыдан әр 3 сағат сайын 2-3 күн бойына, мөлшерді ақындап төмендетеді 1-2 тамшы күніне 2-3 рет. Емдеу уақыты 7 күннен артық емес).
Аллергиялық конъюнктивитте – антигистаминді препараттар: олопатадин 0,1% көз тамшылары  (Ересектерге: конъюнктивальды қапқа  1-2 тамшыдан күніне 3-4 рет. Емдеу уақыты 10 күн. 1 жастан бастап: 1 тамшыдан күніне 3 рет. Емдеу уақыты 10 күннен артық емес). Натрий кромогликаты 2%, көз тамшылары (Ересектерге: конъюнктивальды қапқа 1-2 тамшыдан күніне 3-4 рет. Емдеу уақыты 10 күн. 4 жастан былайғы балаларға: 1-2 тамшыдан күніне 3-4 рет. Емдеу уақыты 10 күн ).
Вирустық үдерісте – вирусқа қарсы емдеу: интерферон-альфа, көз тамшылары  (Ересектер мен балаларға: конъюнктивальды қапқа 2-3 тамшыдан күніне 3-10 рет, қабыну басыла бастаса емді 6-5-4-3 рет азайтады. Емдеу уақыты 12-14 күн).
 
Амбулаториялық деңгейдегі дәрі-дәрмекпен емдеу

- негізгі дәрі-дәрмектердің тізімі:  
1. Хлорамфеникол 0,25% көз тамшылары 
2. Натрий сульфацетамиді  30% көз тамшылары (балаларда натрий сульфацетамид 20% көз тамшылары).
3. Натрий кромогликаты 2%, көз тамшылары
4. Неомицин 0,5% көз тамшылары
5. Офлоксацин 0,3% көз тамшылары
6. Олопатадин 0,1% көз тамшылары

- қосымша дәрі-дәрмектер тізімі:  
1. Диклофенак 0,1% көз тамшылары
2. Тобрамицин 0,3% көз тамшылары
3. Интерферон – альфа көз тамшылары
4. Повидон-Йодид 1% көз тамшылары
 
Жедел шұғыл медициналық көмек деңгейіндегі дәрі-дәрмекпен емдеу:
1.Хлорамфеникол 0,25% көз тамшылары
2. Натрий сульфацетамиді 30% көз тамшылары (балаларда натрий сульфацетамид 20% көз тамшылары).
3. Натрий кромогликаты 2%, көз тамшылары
 
Емдеудің басқа түрлері: көрсетілмеген.
 
Хирургиялық араласу: көрсетілмеген.

Әрі қарай жүргізу:
Жедел конъюнктивитпен ауырған науқасты сауыққанға дейін бақылау, созылмалы конъюнктивитпен ауырған науқасты амбулаториялық деңгейде бақылайды, окулиске жүйелі түрде қаралу.
 
Емдеудің тиімділік критерийлері: ауру асқынуы және таралуының болмауы

Жоспарлы  госпитальдау үшін көсетімдер: этиологиясы белгісіз болған жағдайда емнің нәтижесіздігі, ауыр асқынулардың дамуында (мүйізді қабық ойық жарасы) шұғыл госпитальдау.

 
Профилактикалық іс-шаралар:
Алғашқы профилактика конъюнктивит дамуының алдын алу мақсатында жеке гигиенаны сақтау, инфекция агентімен не аллергенмен жанаспау, инфекция ошағына санация жасау, өзін өзі емдеумен айналыспау және дәрігердің тағайындауларын орындау.
 

1. ( 2_Коньюнктивит.pdf )

читать/скачать файл

Отправить

Если вы не являетесь медицинским специалистом:

• Занимаясь самолечением, вы можете нанести непоправимый вред своему здоровью.  
• Информация, размещенная на сайте MedElement и в мобильных приложениях "MedElement (МедЭлемент)", "Lekar Pro", "Dariger Pro", "Заболевания: справочник терапевта", не может и не должна заменять очную консультацию врача. Обязательно обращайтесь в медицинские учреждения при наличии каких-либо заболеваний или беспокоящих вас симптомов.  
• Выбор лекарственных средств и их дозировки, должен быть оговорен со специалистом. Только врач может назначить нужное лекарство и его дозировку с учетом заболевания и состояния организма больного.  
• Сайт MedElement и мобильные приложения "MedElement (МедЭлемент)", "Lekar Pro", "Dariger Pro", "Заболевания: справочник терапевта" являются исключительно информационно-справочными ресурсами. Информация, размещенная на данном сайте, не должна использоваться для самовольного изменения предписаний врача.  
• Редакция MedElement не несет ответственности за какой-либо ущерб здоровью или материальный ущерб, возникший в результате использования данного сайта.