Войти

Катаракта

РЦРЗ (Республиканский центр развития здравоохранения МЗ РК)
Версия: ҚР ДСӘДМ клиникалық хаттамалар - 2017

Врожденная катаракта (Q12.0), Вывих хрусталика (H27.1), Диабетическая катаракта (E10-E14+ С ОБЩИМ ЧЕТВЕРТЫМ ЗНАКОМ .3), Другие катаракты (H26), Катаракта неуточненная (H26.9), Старческая катаракта (H25), Травматическая катаракта (H26.1)
Офтальмология

Анықтамасы

Анықтамасы


Денсаулақ сақтау министрлігінің
Медициналық қызметтер сапасы жөніндегі біріккен комиссиясының
2017 жылғы «15» қыркүйектегі
№27 хаттамасымен мақұлданған

Катаракта  – көзбұршағы капсуласының немесе затының оптикалық қасиеттерінің нашарлауымен қатар жүретін туа біткен немесе жүре пайда болған кез келген бүлінуі [1].

КІРІСПЕ БӨЛІМ

АХЖ-10 коды (кодтары):

АХЖ-10
Код Атауы  
H25  Қарттар катарактасы
H26  Басқа да катаракталар 
H28.0  Диабеттік катаракта 
Q12.0  Тіа біткен катаракта 
H 26.1  Жарақаттың және постжарақаттың катаракталар
H 27.1 Көзбұршағының сублюксациясы
Н 27.1 Көзбұршағының люксациясы
 
Хаттаманы дайындау/қайта қарау күні: 2013 жыл (2017 ж. қайта қаралған)

Хаттамада пайдаланылатын қысқартулар:

ИОЛ интраокулярлы линза
ОКТ оптикалық компьютерлік томография
УБМ ультрадыбыстық биомикроскопия
ЭФЗ электрофизиологиялық зерттеу

Хаттаманы пайдаланушылар:  офтальмологтар, жалпы практика дәрігерлері, педиатрлар, жедел жәрдем дәрігерлері.

Пациенттердің санаты: ересектер.

Дәлелділік деңгейінің шкаласы:

A Жоғары сапалы мета-анализ, РБЗ жүйелі шолу немесе нәтижелері сәйкес популяцияға таратылуы мүмкін жүйелі қателік ықтималдығы (++) өте төмен ірі РБЗ.
B Жоғары сапалы (++) когортты немесе жағдай-бақылау зерттеулерін жүйелі шолу немесе жүйелі қателік тәуекелі өте төмен Жоғары сапалы когортты немесе жағдай-бақылау зерттеулері немесе нәтижелері сәйкес популяцияның арасында таралуы мүмкін жүйелі (+) қателік тәуекелі төмен РБЗ.
C Когортты немесе жағдай-бақылау зерттеулері немесе жүйелі қателік (+) тәуекелі төмен рандомизациясы бақыланатын зерттеулер.
Нәтижелері сәйкес популяция арасында таралуы мүмкін немесе нәтижелері сәйкес популяция арасында таралуы мүмкін емес, жүйелі қателіктер тәуекелі төмен немесе аз (++ немесе +) РБЗ.
D Жағдайлар сериясының сипаттамасы немесе бақыланбайтын зерттеу немесе сарапшылардың пікірі.
GPP Үздік клиникалық практика
 

Жіктемесі


Клиникалық жіктеме

Пайда болу уақыты бойынша:
·               туа біткен;
·               жүре пайда болған.

Шығу тегі бойынша:
·               туа біткен (жатырішілік, тұқым қуалаушы);
·               жастық;
·               асқынған (көздің кейбір ауруларынан, жалпы ағза ауруларынан туындаған, кейбір дәрілік препараттарды ұзақ мерзім бойына пайдаланудың кері әсері немесе кейбір физикалық немесе химиялық факторлар әсерінің нәтижесі ретінде);
·               жарақаттық (көздің жабық немесе терең жарақатының нәтижесінде);
·               салдарлық катаракта – Адамюк – Эльшниг шарларының оптикалық зонаға көшуі, көзбұршағының артқы капсуласының фиброзы нәтижесінде дамитын катаракта хирургиясының кейінгі асқынуы.

Орналасуы бойынша: 
·               ядролық;
·               қыртыстық;
·               зоналық;
·               субкапсулалық;
·               капсулалық (алдыңғы, артқы);
·               толық

Сатысы бойынша (жастық катаракта):
·               бастапқы;
·               жетілмеген;
·               жетілген;
·               шамадан тыс жетілген (морганиева) [2].

Жеке бөліп көрсетіледі:
Ісінген катаракта – көзбұршақ тіндерінің гипергидратациясымен, салдарлық факоморфтық глаукоманың пайда болуымен қатар жүретін жіті ауру.

Диагностика


ДИАГНОСТИКАНЫҢ ӘДІСТЕРІ, ТӘСІЛДЕРІ ЖӘНЕ ЕМ-ШАРАЛАРЫ

Диагностикалық өлшемшарттар

Шағымдар және анамнез
·                   түзетілген және түзетілмеген көру өткірлігінің аурусыз үдемелі төмендеуі;
·                   көз алдындағы қабықша;
·                   нысандар формасының бұрмалануы;
·                   рефракцияның өзгеруі;
·                   түсті қабылдаудың нашарлауы;
·                   тереңінен қабылдаудың, бинокулярлы көрудің бұзылуы [3,4];
·                   ісінген катаракта кезінде бастың сәйкес бөлігіне иррадациямен көздегі қатты өткір аурулар.
 
Физикалық зерттеп-қарау: жоқ.
 
Зертханалық зерттеулер: жоқ.
 
Аспаптық зерттеулер:
·               визометрия: түзетілген және/немесе түзетілмеген көру өткірлігінің төмендеуі [5];
·               биомикроскопия: көздің алдыңғы қимасында дистрофиялық өзгерістердің болуы, әр түрлі қарқындылықпен көзбұршағының бұлыңғырлануы, жылтыр реңкті. Ісінген катаракта кезінде көз алмасының инъекциясы, көздің мүйізгек қабағының ісінуі, ұсақ алдыңғы камера болуы мүмкін;
·               офтальмоскопия: бұлыңғырлану қарқындылығына қарай көздің түбін тексеру мүмкін емес болуы мүмкін [6];
·               гониоскопия: алдыңғы камераның ерекшеліктеріне, көзбұршағының қалыңдығына қарай алдыңғы камера бұрышының әр түрлі деңгейде ашылуы;
·               периметрия: көз түбінің ілеспе патологиясы болмаған жағдайда норма шегінде болады;
·               тонометрия: ілеспе патология (глаукома) болмаған жағдайда норма шегінде. Ісінген катарактада – офтальмотонустың көтерілуі;
·               А-В скан: эхографиктік көрсеткіштер, ілеспе патологиялар болмаған жағдайда патологиялық эхосигналдар жоқ;
·               ЭФЗ: нәтиже көз торының және көру жүйкесінің функционалдық жағдайына тәуелді;
·               спектралік эндотелиальді микроскопия және пахиметрия: 1 ш.м. эндотелия (көздің мүйізгек қабағы жасушаларының ішкі қорғаныс қабаты) жасушаларының саны, көздің мүйізгек қабағының қалыңдығы;
·               көз торының морфометрлік анализі: көз түбі құрылымдарының морфометрлік параметрлері; 
·               ультрадыбыстық биомикроскопия: алдыңғы қиманың анатомиялық-топографиялық ерекшеліктері (қалың көзбұршақ, көзбұршақтың орналасуы, алдыңғы камера бұрышының ерекшеліктері, артқы камераның күйі, зоналық сіңірлердің күйі және т.б.).
 
Мамандардың консультациясы үшін көрсетілімдер:
жалпы патология болған жағдайда хирургиялық емдеуге қарсы көрсетілімдердің жоқтығы туралы сәйкес салалық маманның қорытындысы қажет. Сонымен қатар созылмалы инфекция ошақтарының жоқтығы туралы отоларинголог және стоматологтың қорытындысы міндетті түрде.
 
Катаракта кезіндегі диагностикалық алгоритм: 


Дифференциалды диагноз


Дифференциалды диагноз және қосымша зерттеулерді негіздеу:
Диагноз Дифференциалды диагностика үшін негіздеме Тексерілу Диагнозды жоққа шығару үшін өлшемшарттар
Микрофакия Нашар көрушілікке шағымдар, биомикроскопия кезінде – терең алдыңғы камера, иридодонез
 
 
Биомикроскопия, эхобиометрия, В-скан, молекулярлы- генетикалық анализ Биомикроскопия кезінде: шағын диаметрлі көзбұршақ. Эхобиометрия кезінде, В-скан: көзбұршақ эхосигналы, бірақ көзбұршақтың диаметрі қалыптыға қарағанда кіші.
Отбасылық-тұқым қуалаушы сипаттағы туа біткен аномалия.
Lowe (окулоцереброреналды) синдромымен бірге болуы мүмкін, мұнда көзбұршақ тек кіші ғана емес сонымен қатар диск пішініне ие болады [20].
Микро-сферофакия Нашар көрушілікке шағымдар, биомикроскопия кезінде – терең алдыңғы камера, иридодонез
 
Биомикроскопия, эхобиометрия, В-скан, молекулярлы- генетикалық анализ Биомикроскопия кезінде: шағын диаметрлі және сфералық формадағы көзбұршақ. Эхобиометрия кезінде, В-скан: көзбұршақ эхосигналы, бірақ көзбұршақтың диаметрі қалыптыға қарағанда кіші.
Отбасылық (доминантты), ілеспе жүйелі ауруларсыз [20].
Марфан синдромы Нашар көрушілікке шағымдар, биомикроскопия кезінде – терең алдыңғы камера, иридодонез
 
Марфан синдромының диагнозы отбасылық анамнезге, физикалды тексерудің, ЭКГ және ЭхоКГ, офтальмологиялық (биомикроскопия, эхобиометрия, В-скан) және рентгенологиялық тексерудің, молекулалық-генетикалық анализдің және зертханалық зерттеулердің нәтижелері бойынша науқаста қалыпты диагностикалық белгілердің болуына негізделеді.
 
Тірек-қимыл аппаратының, көздің, жүрек-тамыр жүйесінің басым зақымдануымен қатар жүретін аутосомды – доминатты ауру. Биомикроскопия кезінде: көзбұршақ эктопиясы, 80% жағдайларда анықталады. Сублюксация көп жағдайда жоғары самайлық, бірақ кез келген меридианда болуы мүмкін. Эхобиометрия және В-скан кезінде: көзбұршағына тән, өзінің орнын жылжыған эхосигнал. Көзбұршақ микросферофакты болуы мүмкін.
Weill – Marchesani синдромы Нашар көруге шағымдар, биомикроскопия кезінде – терең алдыңғы камера, иридодонез
 
Отбасылық анамнезге, физикалды тексерудің, ЭКг және ЭхоКГ, офтальмологиялық (биомикроскопия, эхобиометрия, В-скан) және рентгенологиялық тексерудің, молекулалық-генетикалық анализдің және зертханалық зерттеулердің нәтижелері бойынша науқаста қалыпты диагностикалық белгілердің болуына негізделеді.
 
Дәнекер тіннің сирек кездесетін жүйелі ауруы. Марфан синдромына қарама-қайшы, өсудің тоқтауымен, аз қозғалмалы буындардың брахидактилиясымен және ақыл-ойдың кемістігіміен сипатталады. Тұқым қуалау аутосомды-доминантты және аутосомбы-рецессивті. Биокмикроскопия кезінде: көзбұршақ эктопиясы екі жақты, төменге қарай. Эхобиометрия мен В-скан кезінде: өз орнынан жылжыған көзбұршаққа сипатты эхосигнал. Жасөспірімдердің немесе өмірдің 3 декадасының басында 50% жағдайда  кездеседі [20].
Көзбұршақ сублюксациясы Нашар көруге шағымдар, биомикроскопия кезінде – терең алдыңғы камера, иридодонез
 
Көзбұршақ сублюксациясы диагнозы анамнезде жабық жарақаттың болуына, физикалды тексерудің, ЭКг және ЭхоКГ, офтальмологиялық (биомикроскопия, эхобиометрия, В-скан) және рентгенологиялық тексерудің, молекулалық-генетикалық анализдің және зертханалық зерттеулердің нәтижелері бойынша науқаста қалыпты диагностикалық белгілердің болуына негізделеді Биомикроскопия кезінде: тегіс емес алдыңғы камера, қарашық шектері бойынша қабаттанулардың болуы, жалған эксфолиация, ирдоденез, факоденез.
 
 
Көзбұршақтың шыны тәріздес денеге люксациясы
 
Нашар көруге шағымдар, биомикроскопия кезінде – терең алдыңғы камера, иридодонез, қарашық маңында көзбұршағы болмайды Биомикроскопия, А-В скан Эхобиометрия, В-скан кезінде: люксацияланған көзбұршақтан эхосигнал шыны тәріздес дененің әр түрлі бөліктеріне жылжиды.

Лечение (амбулатория)


АМБУЛАТОРИЯЛЫҚ ДЕҢГЕЙДЕ ЕМДЕУ ТАКТИКАСЫ: Емдеу тактикасы көзбұршақтың бұлыңғырлану деңгейіне байланысты болады. Көрудың аздап нашарлауы және бастапқы бұлыңғырлану кезінде динамикада бақылау және катарактаның дамуын тежеу мақсатында дәрі-дәрмекті емдеу жүргізу мүмкін. Хирургиялық емдеу көрсетілімдері болған жағдайда күндізгі стационарға немесе тәуліктік стационарға жіберу.

Дәрі-дәрмексіз емдеу:
Режим – III Б.
Диета –№15 үстел (ілеспе аурулар болмаған жағдайда), аметропияны сәйкес түзету.

Дәрі-дәрмекпен емдеу: амбулаториялық деңгейде катарактаның бастапқы сатыларында оның дамуын тежеу мақсатында, айрбас процесстерін ынталандыратын препараттарды тағайындаумен жүргізіледі. Сонымен қатар отадан кейінгі кезеңде фармакологиялық сүйемелдеу мақсатында қабынуға қарсы және бактерияға қарсы препараттарды тағайындаумен.
 
Негізгі дәрілік заттардың тізбесі (пайдалану ықтималдығы 100%)

Дәрілік топ ДЗ халықаралық патенттелмеген атауы Қолдану тәсілі Дәлелділік деңгейі
Офтальмологияда жергілікті пайдалану үшін
глюкокортикоидтар
Дексаметазон көз тамшылары Конъюктива қабына тәулігіне 5 рет 2 тамшыдан егу
14 күн
В
Офтальмологияда жергілікті пайдалану үшін фторхинолондар тобындағы микробтарға қарсы препарат Левофлоксацин көз тамшылары Конъюктива қабына тәулігіне 5 рет 2 тамшыдан егу
14 күн
В
М-холинолитик Тропикамид көз тамшылары Конъюктива қабына тәулігіне 5 рет 2 тамшыдан егу
14 күн
С
Жергілікті жансыздандыратын дәрі-дәрмектер Проксиметакаин көз тамшылары Конъюктива қуысына егу
 
В
 
Қосыша дәрілік заттардың тізбесі (пайдалану ықтималдығы 100% төмен) 

Дәрілік топ ДЗ халықаралық патенттелмеген атауы Көрсетілімдер Дәлелділік деңгейі
Жүйелі пайдалануға арналған глюкокортикоидтар
 
Дексаметазон Субконъюнктивті
және парабульбарды инъекциялар
В
Офтальмологияда жергілікті пайдалану үшін стероидты емес қабынуға қарсы препарат Бромфенак капли глазные Конъюктива қабына тәулігіне 5 рет 2 тамшыдан егу
14 күн
С
Микробтарға қарсы бактериостатикалық құрал, сульфаниламид
 
Сульфацетамид көз тамшылары Конъюктива қабына тәулігіне 5 рет 2 тамшыдан егу
14 күн
В
Офтальмологияда жергілікті пайдалану үшін фторхинолондар тобындағы микробтарға қарсы препарат Моксифлоксацин
көз тамшылары
Конъюктива қабына тәулігіне 5 рет 2 тамшыдан егу
14 күн
В
Офтальмологияда жергілікті пайдалану үшін фторхинолондар тобындағы микробтарға қарсы препарат
 
Офлоксацин көз тамшылары Конъюктива қабына тәулігіне 5 рет 2 тамшыдан егу
14 күн
В
Офтальмологияда жергілікті пайдалану үшін құрал
 
Оксибупрокаин көз тамшылары Конъюктива қуысына егу
 
В
 
Хирургиялық араласу:
·   катаракта факоэмульсификациясы ИОЛ имплантациясымен немесе ИОЛ имплантациясынсыз;
·   интраокулярлы линзаның имплантациясымен фемтолазерлі катарактаның экстракциясы (КФЛЭ ИОЛ имплантациясымен);
·   катарактаның туннльді экстракапсулалық экстракциясы ИОЛ имплантациясымен немесе ИОЛ имплантациясынсыз.
Көрсетілімдер:
·   көзбұршақ бұлыңғырлануының болуы
Қарсы көрсетілімдер:
·   анамнезде соматикалық күй бойынша абсолютті қарсы көрсетілімдердің болуы, 3-4 дәрежелі сублюксацияның және көзбұршақ люксациясының болуы.
 
Әрі қарай емдеу:
·   отадан кейін 2 аптадан 1 айға дейінгі мерзім ішінде бактерияға қарсы және қабынуға қарсы препараттармен егу;
·   қажеттілік болған жағдайда ошақты коррекцияларды іріктеу;
·   болған жағдайда ілеспе аурудың мониторингі.
 
Емдеу тиімділігінің индикаторлары:
·   көздің жүйке-қабылдаушы аппаратында өзгерістер болмаған жағдайда және дұрыс оптикалық коррекция кезінде жоғары көру өткірлігі және еңбекке жарамдылық сақталады.

Лечение (стационар)


СТАЦИОНАРЛЫҚ  ДЕҢГЕЙДЕ ЕМДЕУ ТАКТИКАСЫ

Катаракта кезіндегі емдеу


•    ДКК және ИОЛ имплантациясымен катарактаның факоэмульсификациясы
 
•    ИОЛ имплантациясымен немесе имплантациясыз трансклеральді фиксациямен катарактаның факоэмульсификациясы  
 
•    Катарактаның фемтолазерлі экстракциясы интраокулярлы линзаның имплантациясымен  (ИОЛ импланциясымен КФЛЭ) +ДКК
 
•    Катарактаның туннельдік экстракапсулалық экстракциясы ИОЛ имплантациясымен немесе ИОЛ имплантациясынсыз трансклералды фиксациямен
 
•    Алдыңғы витрэктомиямен катарактаның интракапсулалық экстракциясы трансклералды фиксациямен + трансклеральді фиксациямен ИОЛ
                                     
Дәрі-дәрмексіз емдеу:
Режім 4;
Диета: ілеспе аурулардың болуын немесе болмауын ескере отырып;
аметропияның сәйкес коррекциясы.

Дәрі-дәрмекпен емдеу: Отадан кейінгі кезеңде бактерияға қарсы және қабынуға қарсы терапияны тағайындаумен фармакологиялық сүйемелдеу жүргізіледі. Көз іші қысымы жоғары болған жағдайда дегидратациялық және жергілікті гипотензивті терапия тағайындалады.
·                   Ота алды даярлық

Негізгі дәрілік заттардың тізбесі (пайдалану ықтималдығы 100%)

Дәрілік топ ДЗ халықаралық патенттелмеген атауы Қолдану тәсілі Дәлелділік деңгейі
Офтальмологияда жергілікті пайдалану үшін фторхинолондар тобындағы микробтарға қарсы препарат Моксифлоксацин
 
Конъюктива қабына егу
 
ДД - А
Офтальмологияда жергілікті пайдалану үшін фторхинолондар тобындағы микробтарға қарсы препарат Левофлоксацин Конъюктива қабына егу
 
ДД - А
Офтальмологияда жергілікті пайдалану үшін фторхинолондар тобындағы микробтарға қарсы препарат Ципрофлоксацин Конъюктива қабына егу
 
ДД - А
Офтальмологияда жергілікті пайдалану үшін аминогликозидтер тобындағы микробтарға қарсы препарат Тобрамицин Конъюктива қабына егу
 
ДД - А
Офтальмологияда жергілікті пайдалануға арналған глюкокортикоидтар Дексаметазон көз тамшылары Конъюктива қабына егу ДД - B
Жүйелі пайдалануға арналған глюкокортикоидтар Дексаметазон Субконъюнктивті,  
парабульбарды, бұлшық ет ішіне, көктамыр ішіне инъекциялар
ДД - B
Жергілікті жансыздандыратын дәрі-дәрмек оксибупрокаин + проксиметакаин Тікелей ота алдында және ота барысында конъюктива қабына егу ДД - А
Стероидты емес қабынуға қарсы дәрі-дәрмектер непафенак 0+бромфенак +мл, диклофенаканатрия + Конъюктива қабына егу ДД - С
М-холинолитик қысқа мерзімде әсер етуші, мидриаторлық дәрі-дәрмек тропикамид + фенилэфрин Тікелей ота алдында конъюктива қабына егу ДД - А
 
Қосымша дәрілік заттардың тізбесі (пайдалану ықтималдығы 100% төмен)

Дәрі-дәрмек тобы ДҚ халықаралық патенттелмеген атауы Пайдалану жолы Дәлелділік деңгейі
Регенерацияны стимуляторлар, кератопротекторлар Декспантенол* Конъюктива қабына егу
 
ДД - С
Көздің мүйізгек қабығын ылғалдандыруға және қорғауға арналған препарат
 
натрия гиалуронат,
декстран в комбинации гипромеллоза
Конъюктива қабына егу
 
ДД - С
Жергілікті жансыздандыратын дәрі-дәрмек Тимолол + Дорхзоламид + бринзоламид Көз іші қысымы көтерілген кезде конъюктива қабына тәулігіне 1-1-2 рет 2 тамшыдан егу ДД - С
Жергілікті жансыздандыратын дәрі-дәрмек Лидокаин ерітіндісі инъекция үшін 2 Парабульді және субконъюктивиттілер үшін
 
ДД - С
 
Хирургиялық араласу:
ИОЛ және ДКК имплантациясымен немесе имплантациясынсыз катаракта экстракциясы:
·   катаракта факоэмульсификациясы ИОЛ имплантациясымен немесе ИОЛ имплантациясынсыз;
·   интраокулярлы линзаның имплантациясымен фемтолазерлі катарактаның экстракциясы (КФЛЭ ИОЛ имплантациясымен);
·   ДКК және ИОЛ имплантациясымен катарактаның факоэмульсификациясы
·   ИОЛ имплантациясымен немесе имплантациясыз трансклеральді фиксациямен катарактаның факоэмульсификациясы  
·   Катарактаның туннельдік экстракапсулалық экстракциясы ИОЛ имплантациясымен немесе ИОЛ имплантациясынсыз
·   Катарактаның туннельдік экстракапсулалық экстракциясы ИОЛ имплантациясымен немесе ИОЛ имплантациясынсыз трансклералды фиксациямен
·   ИОЛ имплантациясымен немесе имплантациясынсыз катарактаның экстракапсулалық экстракциясы
·   Алдыңғы витрэктомиямен катарактаның интракапсулалық экстракциясы трансклералды фиксациямен + трансклеральді фиксациямен ИОЛ
 
Әрі қарай емдеу:
·       ота күнінен бастап 10 күн, 1, 3, 6, 12 ай мерзімдерінде офтальмологта амбулаоториялық тексерілу;
·       отанадан кейін 2 аптадан бастап 1 айға дейін бактерияға қарсы және қабынуға қарсы препараттармен егу;
·       қажеттілік болған жағдайда ота күнінен 3 ай мерзімінен бастап ошақты коррекцияны іріктеу;
·       ілеспе аурулар болған жағдайда оларды тұрақты мониторингілеу.
 
Емдеу тиімділігінің индикаторлары:
·     бастапқы отадан кейінгі кезеңде көздің қабыну реакцияларының болмауы;
·     ИОЛ-дың имплантациясы кезінде капсулалық қапта болуы, ИОЛ-дың таңдалған моделіне қарай алдыңғы/артқы камерада немесе сулькусте орналасуы;
·     катарактаны жою нәтижесінде көздің оптикалық орталары ашықтығының қалпына келуі.

Катарактаны хирургиялық емдеу нәтижесінде көру функцияларының жақсаруы келесілермен сипатталады:
·        түзетілген көру өткірлігінің жақсаруы;
·        түзетілмеген көру өткірлігінің жақсаруы және ошақтарға қарай төмендеуі;
·        жақыннан оқу және жұмыс істеу қабілетінің жақсаруы;
·        көзді соқырлататын жарықтарға сезімталдықтың жақсрауы;
·        анизометропияны жоюмен және екі көздегі көрудің жақсы функционалдық өткірлігімен тереңдікті қабылдау және бинокулярлы көрудің жақсаруы;
·        түс қабылдаудың жақсаруы.

Катарактаны хирургиялық емдеу нәтижесінде физикалық мүмкіндіктердің жақсаруы келесілермен сипатталады:
·        күнделікті қызметті жүргізу мүмкіндіктерінің артуы;
·        еңбек қызметін сақтау немесе қалпына келтіру мүмкіндіктерінің артуы;
·        мобильділіктің артуы (жүру, көлік айдау).

Катарактаны хирургиялық емдеудің нәтижесі ретінде психикалық денсаулық пен эмоционалды саулықтың жақсаруы келесілермен сипаттала алады:
·        өзін өзі бағалаудың, дербестіктің жақсаруы;
·        жарақаттардың алдын алу мүмкіндіктерінің жақсаруы;
·        әлеуметтік байланыстардың және әлеуметтік іс-шараларға қатысу мүмкіндіктерінің жақсаруы;
·        соқырлық қорқынышынан арылу.


Госпитализация


ЕМДЕУГЕ ЖАТҚЫЗУ ТИПІН КӨРСЕТУМЕН ЕМДЕУГЕ ЖАТҚЫЗУҒА АРНАЛҒАН КӨРСЕТІЛІМДЕР

Жоспарлы емдеуге жатқызуға арналған көрсетілімдер (күндізгі стационардың деңгейі, ВТМУ бойынша емдеуге жататын жағдайлардан бөлек):
·        емделушінің қажеттіліктерін қанағаттандырмайтын және оталық араласу көру өткірлігінің едәуір жақсаруын білдіретін көру функцияларының төмендеуі;
·        катаракта болған жағдайда клиникалық маңызды анизометропияның болуы;
·        оптималды диагностиканы және көздің артқы қимасының патологиясын емдеуді қиындататын көзбұршақтың бұлыңғырлануы;
·        факогенді увеиталар немесе салдарлық глаукома (факолизис, факоанафилаксия);
·        көзбұршақ алдыңғы камера бұрышының жабылуына ықпал етеді (факоморфты);
·        катаракта элементтерімен және/немесе офтальмогипертензиялы көзбұршақтың сублюксациясы.
 
Шұғыл емдеуге жатқызуға арналған көрсетілімдер (күндізгі стационардың деңгейі, ВТМУ бойынша емдеуге жататын жағдайлардан бөлек):
·               ісінген катаракта. 

Ақпарат

Пайдаланған әдебиеттің тізбесі

  1. Протоколы заседаний Объединенной комиссии по качеству медицинских услуг МЗ РК, 2017
    1. 1) American Academy of Ophthalmology. Guideline. Cataract in the Adult Eye. 2001 2) Panchapakesan J, Mitchell P, Tumuluri K, et al. Five year incidence of cataract surgery: the Blue Mountains Eye Study. Br J Ophthalmol 2008;87:168-72 3) Leske MC, Wu SY, Nemesure B, et al. Nine-year incidence of lens opacities in the Barbados Eye Studies. Ophthalmology 2010;111:483-90 4) McCarty CA, Mukesh BN, Dimitrov PN, Taylor HR. Incidence and progression of cataract in the Melbourne Visual Impairment Project. Am J Ophthalmol 2011;136:10-7 5) Yamaguchi T, Negishi K, Tsubota K. Functional visual acuity measurement in cataract and intraocular lens implantation. CurrOpinOphthalmol 2011;22:31-6. 6) Gus PI, Kwitko I, Roehe D, Kwitko S. Potential acuity meter accuracy in cataract patients. J Cataract Refract Surg 2010;26:1238-41 7) 7. Huang HY, Caballero B, Chang S, et al. Multivitamin/Mineral Supplements and Prevention of Chronic Disease. Evidence Report/Technology Assessment No. 139. (Prepared by The Johns Hopkins University Evidence-Based Practice Center under Contract No. 290-02-0018.) AHRQ Publication No. 06-E012. Rockville, MD: Agency for Healthcare Research and Quality. May 2009. 8) 8. Findl O, Kriechbaum K, Sacu S, et al. Influence of operator experience on the performance of ultrasound biometry compared to optical biometry before cataract surgery. J Cataract Refract Surg 2010;29:1950-5 9) 9. Eleftheriadis H. IOLMaster biometry: refractive results of 100 consecutive cases. Br J Ophthalmol 2011;87:960-3 10) Analeyz, Inc. 2010 survey practice styles and preferences of U.S. ASCRS members. Available at: www.analeyz.com/. Accessed June 24, 2011 11) Liyanage SE, Angunawela RI, Wong SC, Little BC. Anterior chamber instability caused by incisional leakage in coaxial phacoemulsification. J Cataract Refract Surg 2011;35:1003-5. 12) Bissen-Miyajima H. Ophthalmic viscosurgical devices. CurrOpinOphthalmol 2011;19:50-4. 13) Gimbel HV, Neuhann T. Development, advantages, and methods of the continuous circular capsulorhexis technique. J Cataract Refract Surg 2012;16:31-7. 14. Nixon DR. In vivo digital imaging of the square-edged barrier effect of a silicone intraocular lens. J Cataract Refract Surg 2011;30:2574-84 14) Koch DD, Liu JF. Multilamellarhydrodissection in phacoemulsification and planned extracapsular surgery. J Cataract Refract Surg 2011;16:559-62. 15) Peng Q, Apple DJ, Visessook N, et al. Surgical prevention of posterior capsule opacification. Part 2: Enhancement of cortical cleanup by focusing on hydrodissection. J Cataract Refract Surg 2010;26:188-97. 16) Vasavada AR, Dholakia SA, Raj SM, Singh R. Effect of cortical cleaving hydrodissection on posterior capsule opacification in age-related nuclear cataract. J Cataract Refract Surg 2010;32:1196-200. 17) Gimbel HV. Divide and conquer nucleofractis phacoemulsification: development and variations. J Cataract Refract Surg 2011;17:281-91. 18) Packer M, Fine IH, Hoffman RS, Smith JH. Techniques of phacoemulsification. In: Tasman W, Jaeger EA, eds. Duane's Ophthalmology on DVD-ROM. 2012 edition. Philadelphia, PA: Lippincott Williams & Wilkins, 2012. 19) Mardelli PG, Mehanna CJ. Phacoanaphylacticendophthalmitis secondary to capsular block syndrome. J Cataract Refract Surg 2012;33:921-2. 124 20) Chang DF, Masket S, Miller KM, et al, ASCRS Cataract Clinical Committee. Complications of sulcus placement of single-piece acrylic intraocular lenses: recommendations for backup IOL implantation following posterior capsule rupture. J Cataract Refract Surg 2012;35:1445-58. [III] 21) Hoffman RS, Fine IH, Packer M. Scleral fixation without conjunctival dissection. J Cataract Refract Surg 2012;32:1907-12. 22) Rainer G, Stifter E, Luksch A, Menapace R. Comparison of the effect of Viscoat and DuoVisc on postoperative intraocular pressure after small-incision cataract surgery. J Cataract Refract Surg 2012;34:253-7. 23) Lundstrom M, Wejde G, Stenevi U, et al. Endophthalmitis after cataract surgery: a nationwide prospective study evaluating incidence in relation to incision type and location. Ophthalmology 2012;114:866-70. [II+] 24) Fine IH, Hoffman RS, Packer M. Profile of clear corneal cataract incisions demonstrated by ocular coherence tomography. J Cataract Refract Surg 2012;33:94-7. 26. Vasavada AR, Praveen MR, Pandita D, et al. Effect of stromal hydration of clear corneal incisions: quantifying ingress of trypan blue into the anterior chamber after phacoemulsification. J Cataract Refract Surg 2011;33:623-7. 25) Deramo VA, Lai JC, Winokur J, et al. Visual outcome and bacterial sensitivity after methicillin-resistant Staphylococcus aureus-associated acute endophthalmitis. Am J Ophthalmol 2012;145:413-7. [III] 26) Altan T, Acar N, Kapran Z, et al. Acute-onset endophthalmitis after cataract surgery: success of initial therapy, visual outcomes, and related factors. Retina 2012;29:606-12. [III] 27) American Academy of Ophthalmology. Code of Ethics; rules of ethics #7 and #8. Available at: www.aao.org/about/ethics/code_ethics.cfm. Accessed May 4, 2011. 28) Lemley CA, Han DP. Endophthalmitis: a review of current evaluation and management. Retina 2012;27:662-80 29) Kernt M, Kampik A. Endophthalmitis: pathogenesis, clinical presentation, management, and perspectives. ClinOphthalmol 2011;4:121-35 30) Wallin T, Parker J, Jin Y, et al. Cohort study of 27 cases of endophthalmitis at a single institution. J Cataract Refract Surg 2011;31:735-41. [II-]

Ақпарат


ХАТТАМАНЫ ЕНГІЗУДІҢ ҰЙЫМДАСТЫРУ АСПЕКТІЛЕРІ

Хаттаманы әзірлеушілердің тізімі:
1) Бұлғақова Альмира Абдулхакқызы – медицина ғылымдарының кандидаты, «Қазақ көз аурулары ғылыми-зерттеу институты» АҚ жоғары санатты дәрігері.
2) Тулетова Айгерім Серікбайқызы – медицина ғылымдарының кандидаты, жоғары санатты дәрігер, «Қазақ көз аурулары ғылыми-зерттеу институты» АҚ Астана қаласындағы филиалының директоры.
3) Жақсыбеков Руслан Әділұлы – медицина ғылымдарының кандидаты, «Қазақ көз аурулары ғылыми-зерттеу институты» АҚ Астана қаласындағы филиалының жоғары санатты дәрігері.
4) Урих Константин Александрович – медицина ғылымдарының кандидаты, «Қазақстан офтальмологтарының қауымдастығы» РҚБ жоғары санатты дәрігері.
5) Байғабулов Марат Жандарбекұлы – «Қазақ көз аурулары ғылыми-зерттеу институты» АҚ жоғары санатты дәрігері.
6) Смағұлова Ғазиза Ажмағықызы – медицина ғылымдарының кандидаты, доцент, «М.Оспанов атындағы Батыс Қазақстан мемлекеттік медицина университеті» ШЖҚ РМК ішкі аурулар пропедевтикасы мен клиникалық фармакология кафедрасының меңгерушісі – клиникалық фармаколог.

Мүдделер қақтығысының жоқтығын көрсету: жоқ.
 
Рецензент: Өтелбаева Зауре Тұрсынқызы – медицина ғылымдарының докторы, «С.Д.Асфендияров атындағы Қазақ Ұлттық медицина университеті» ШЖҚ РМК офтальмология кафедрасының профессоры.
 
Хаттаманы қайта қарау шарттары: жарияланғаннан кейін және қолданысқа енгізілген күнінен бастап 5 жыл өткен соң немесе дәлелділік деңгейі бар жаңа әдістер болған кезде хаттама қайта қаралады.
 

Қазықтаулы файлдар

Назар аударыңыз!

  • Занимаясь самолечением, вы можете нанести непоправимый вред своему здоровью.  
  • Информация, размещенная на сайте MedElement, не может и не должна заменять очную консультацию врача. Обязательно обращайтесь в медицинские учреждения при наличии каких-либо заболеваний или беспокоящих вас симптомов.  
  • Выбор лекарственных средств и их дозировки, должен быть оговорен со специалистом. Только врач может назначить нужное лекарство и его дозировку с учетом заболевания и состояния организма больного.  
  • Сайт MedElement является исключительно информационно-справочным ресурсом. Информация, размещенная на данном сайте, не должна использоваться для самовольного изменения предписаний врача.  
  • Редакция MedElement не несет ответственности за какой-либо ущерб здоровью или материальный ущерб, возникший в результате использования данного сайта.
На главную
Наверх