Ұрықтың құрсақішілік дамуының тежелуі

Жіктемесі:

1.  Пайда болу уақытына қарай : ерте түрі;  кеш түрі;

2.  Даму типіне қарай: симметриялы түр;  ассимметриялы түр.

Қауіп-қатерлі факторлар:

1.Əлеуметтік – экономикалық жағдай;

* төмен əлеуметтік-экономикалық статус;

* медициналық көмектің қолжетімсіздігі;

* кəсіптік зияндылықтар;

* «зиянды əдеттер» (шылым шегу, алкоголь,  есірткілер).

2. Тамақтану:

* жүкті əйелдің бастапқы дене салмағы төмен;

* жүктілік кезінде дене салмағының жеткіліксіз қосылуы;

* ұзақ ашығу;

* вегетариандық емдəм, белгілі бір ғана тағамға құштарлық.

3. Қосарлас аурулар:

* созылмалы артериялық гипертензия;

* тамырларды зақымдаушы сусамыр ауруы;

* бүйрек ауруы;

* аутоиммундық аурулар;

* гемоглобинопатия;

* ауыр анемия;

* жүректің қан айналымы жеткіліксіздігінің белгілері бар туа біткен ақаулары.

4. Ананың жұқпалы аурулары:

* вирустық: қызамық,цитомегаловирус, қарапайым ұшық, шешек;

* бактериялық: листериоз, түбіркүлез, полиомиелит, мерез;

* протозойлық: токсоплазмоз, малярия.

5. Акушерлік белгілер.

* балаларының ҰҚДТ (ВЗРП) белгілерімен тууы (қайталану ықтималдығы 25%);

* өлі туу;

* жүктілік мерзімінің белгісіздігі,есепке кеш алыну;

* ананың жасы(16-дан төмен,35-тен жоғары ).

Жүктіліктің асқынулары:

* преэклампсия;

* 2 жəне 3-триместрде қан кету;

* мерзімінен асқан жүктілік;

* кіндік пен бала жолдасы орналасуының ауытқулары (плацентаның алда жатуы) ;

* көп ұрықтылық;

* ЖТТБ өсуінің жеткіліксіздігі (нормадан 3-см.-ден аз).

 

Диагностика критерилері:

1. Соңғы етеккірдің бірінші күні бойынша жүктілік мерзімімен жəне жүктіліктің 12-аптасына дейін екі қолмен зерттеу мəліметтерімен (дəлдігі 7 күнге дейін) немесе нəрестені алғашқы УЗ-сканирлеу фетометриясының нəтижелерімен салыстырғанда нəрестенің фетометрия көрсеткіштері төмен;

2. Жүкті əйелдің дене салмағының қосылуы күткендегіден төмен;

3. ЖТТБ (ВСДМ) жүктіліктің осы мерзіміне тəн қалыптан төмен(3 см жəне одан да көп). Жүктіліктің 20-36-апталарының арасында ЖТТБ (ВСДМ) аптасына 1см.аз үлкейуі сезік тудыруы керек. ЖТТБ -нің жүктілік мерзіміне сай келмеуі 3-4 см-ден артық болғанда, УДЗ жүргізу қажет болады, бұл клиникалық мəліметтерді едəуір толықтыруы мүмкін.

Негізгі диагностикалық шаралар тізімі:

1. Жатыр түбінің тұру биіктігін динамикада өлшеу;

2. НҚДТ даму қаупі бар топқа жататын жүкті əйелдерге келесі параметрлер бойынша ультрасонография жасау:

- ұрыққа əр 4 аптада, 3-триместрде əр 2-3 аптада фетометрия жасау;

- алғашқы УДЗмен салыстырғанда нəрестенің даму динамикасы;

- қағанақ суының (амниотикалық сұйықтық) көлемін бағалау (суаздық – нəресте  аурушаңдығы жəне өлім қаупі факторы, суаздықта аптасына1-2 рет,көрсетімдер бойынша одан да жиі );

- нəрестенің қимылдау белсенділігін бағалау;

- биофизикалық профиль;

- нəрестені дамуының туа біткен ақаулары немесе хромосомдық маркерлер патологиясының болуына зерттеу.

3. Жатыр - бала жолдасы-нəрестелік қан журуді келесі параметрлер бойынша допплерометриялық зерттеу:

- кіндік күре тамырында қан жүруі;

- жатыр күре тамырларында қан жүруі;

- нəрестенің ми күре тамырларында қан жүруі;

- нəрестенің ми күре тамырлары мен жатыр күре тамырларында қан жүруі көлемінің ара

қатынасы.

4. Стрестік тест;

5. Дəстүрлі жəне модификацияланған биофизикалық профиль;

6. Стрестік емес тест;

Қосымша диагностикалық шаралар тізімі:  жоқ.

Емдеу тактикасы:
 

Ем мақсаты:

1. Жүкті əйелдің НҚДТ  –  не алып келетін қосарланған ауруларын емдеу;

2. Ана мен нəресте күйіне динамикалық бақылау;

3. Акушерлік тактиканы дер кезінде өзгерту (көрсетімдері бойынша);

Дəрі-дəрмексіз ем:  жоқ
 

Дəрі-дəрмектік ем:  жоқ

Біріншілік профилактика: ауру дамуына əсер ететін қауіп-қатерлі факторларды жою бойынша профилактикалық шаралар.