Миокардтың асқынған жіті инфаркті

 

Миокард инфарктін жүректің ишемиялық ауруының (ЖИА) бір формасы ретінде қарастырған жіктеме. (ДДСҰ сараптамаларының жұмысшы тобы, 1979; Е.И.Чазов, 1982 ұсынған).

Аурудың формалары бойынша:

1. Миокардтың жіті инфаркті:

- анықталған инфаркт;

- мүмкін инфаркт.

2. Миокардтың болған инфаркті:

Зақымдалған аумағы бойынша:

- майдаошақты инфаркт;

- іріошақты инфаркт.

Орналасуы бойынша:

- алдыңғы инфаркт;

- бүйірлік инфаркт;

- артқы (төменгі) инфаркт;

- далдалық инфаркт жəне т.с.с.

Зақымдану тереңдігі бойынша:

- трансмуральдық инфаркт;

- инграмуральдық инфаркт;

- субэпикардтық инфаркт, субэндокардтық инфаркт.

Ағым кезеңдері бойынша:

- продромдық кезең (инфаркталдылық жағдай);

- инфарктің өте жіті кезеңі;

- инфарктің жіті кезеңі;

- инфарктің жітілеу кезеңі;

- постинфарктік кезеңі.

Миокард инфарктінің атипиялы формалары:

- астмалы (демікпелі) формасы;

- гастралгиялы формасы;

- аритмиялы формасы;

- церебральдық формасы;

- симптомсыз формасы жəне т.б.

 

Қауіп-қатерлі факторлар: еркекжыныстылық, жас ұлғайғандық, дислипопротеинемия, артериялық гипертония, темекі тарту, дене салмағының артықтығы, дене қимылының аздығы, қантты диабет, араққа салынып кету.

 

Диагностика критерилері

Шағымдар мен анамнез: ұзақтығы 20 минуттан асып кеткен ауырсыну синдромы.

Физикалық тексеру

Науқасты қарау кезінде: бозғылттық, терінің жоғары ылғалдылығы, ерін, мұрын, құлақ, тырнақ астының цианозы. Аздаған тыныс жиілігінің артуы байқалады. Жүрек тұсын пальпациялау кезінде – сол жүрекше жиырылуы туындатқан, 4-ші тонмен бірге естілетін пресистолалық пульсация. Сол қарынша миокардының систолалық дисфункциясы болған кезде уақыт бойынша 3 тонға сəйкес, диастоланың ерте фазасында жүрек ұшында пульсация пальпацияланады.
Асқынбаған МИ кезінде жүрек шекаралары жиі жағдайда қалыпты, кейде перкуссия жүректің сол шекарасының аздап ұлғайғанын анықтайды. Асқынбаған, бірақ көлемді МИ науқастарда жүрек аускультациясы кезінде I тонның тұйықталуы жəне жүрек ұшында аздаған систолалық шу анықталады.

Лабораторлық зерттеулер: лейкоцитоз, ЭТЖ жоғарылайды, қан құрамында фибриноген, серомукоид, гаптоглобин, сиал қышқылының артуы, С-реактивті протеиннің пайда болуы.

Инструменталдық зерттеулер:

1. ЭКГ өзгерістер: ST интервалының көтерілуі, Q типтік патологиялық тісшесі, Гис шоғыры аяқшасының блокадасы.

2. Оң қарынша МИ эхокардиографиялық белгілері:

- оң қарынша жиырылғыштық қабілетінің төмендеуі жəне дилатация;

- үшжармалы қақпақша жеткіліксіздік белгілері;

- оң жүрекше дилатациясы;

- жүрекшеаралық бөгеттің сол жүрекше жағына қарай жылжуы;

- төменгі қуыс венасының дилатациясы.

Миакард инфарктінің асқынулары:

1. Кардиогендік шок: рефлекторлық, нағыз, ареактивті, аритмиялы.

2. Жүрек функциясының жіті жеткіліксіздігі (жіті жүректік жеткіліксіздік): солжақ қарыншалық (жүректік демікпе, өкпе ісінуі), оңжақ қарыншалық.

3. Жүрек ырғағы жəне өткізгіштігі бұзылу (экстрасистолия, пароксизмалы тахикардия, жүрекше мен қарыншаның тыпырлауы жəне жыпылықтауы, атриовентрикулалық ырғақ, жүрек блокадалары).

4. Тромбоэмболиялар (қуысішілік тромбоз салдарынан).

5. Жүрек қарыншаларының қабырғасы, қарыншааралық далда, емізікше бұлшықет жыртылуы.

6. Басқа асқынулар (асқазан жəне ішек парезі, жалақжаралы гастрит, панкреатит, психикалық бұзылыстар, Дресслер синдромы, эпистенокардиялық перикардит жəне т.б.).

 

Емдеу тактикасы

Ем мақсаты:

- ауырсынуды басу;

- ишемия ошағында қан келуді қалпына келтіру;

- асқынулармен күресу;

- асқынуларын ескере отырып миокардтың жіті инфарктіне шалдыққан науқасты оңалту (реабилитациялау);

- ЭКГ бойынша миокард инфарктінің тыртықтану сатысына жеткізу.

Дəрі-дəрмексіз ем: жоқ.

Дəрі-дəрмектік ем:

- ауырсыну ұстамасын тыю;

- коронарлық қанағымды қалпына келтіру;

- инфаркт зонасын (аумағын) шектеу жəне асқынулардың алдын алу.

Профилактикалық шаралар: МИ кейінгі екіншілік профилактиканың мақсаты өлімнің алдын алу, МИ қайта дамуын жəне созылмалы жүрек функциясының жеткіліксіздігін алдын алу.

Негізгі дəрі-дəрмектердің тізімі:

1. *Морфин гидрохлориді ампулада 1% 1 мл

2. *Промедол 2% 1 мл, амп.

3. *Фентанил 0,005%, ампулада

4. *Дроперидол 0,25% 10 мл, флаконда

5. *Стрептокиназа 1500000 Бір, флаконда

6. *Алтеплаза 50 мг, флаконда

7. *Гепарин, инъекциялық ерітінді 5000 Бір/мл флаконда

8. *Надропарин кальций – алдын ала толтырылған шприцтердех 2850 ХБ анти-Ха/0,3 мл; 3800 ХБ анти-Ха/0,4 мл; 5700 ХБ анти-Ха/0,6 мл; 7600 ХБ анти-Ха/0,8 мл, 9500 ХБ анти-Ха/1,0 мл

9. Эноксапарин 0,3 мл; 0,6 мл; 1,0 мл

10. *Фондапаринукс натрий, тері астына егуге ерітінді 2,5 мг/0,5 мл, 5 мг/0,4 мл, 7,5 мг/0,6 мл алдын ала толтырылған шприцтерде

10. *Ацетилсалицил қышқылы 100 мг

11. *Ацетилсалицил қышқылы 325 мг, табл.

12. Клопидогрель 75 мг, табл.

13. *Изосорбид динитрат 0,1% 10 мл, ампулада

14. *Изосорбид динитрат 20 мг, табл.

15. *Изосорбид динитрат, аэроз доза

16. *Нитроглицерин 0,5 мг, табл.

17. Изосорбид мононитрат 20 мг, табл.

18. Изосорбид мононитрат 40 мг, капс.

19. *Атенолол 50 мг, табл.

20. Карведилол 25 мг, табл.

21. Бисопролол 5 мг, 10 мг табл.

22. *Метопролол 25 мг, 50 мг; 100 мг табл.

23. Дилтиазем 90 мг, капс.

24. *Верапамил 40 мг, табл.

25. *Амлодипин 5 мг, табл.

26. Каптоприл 25 мг, табл.

27. Фозиноприл 10 мг, табл.

28. Рамиприл 2,5 мг; 5 мг; 10 мг

29. *Периндоприл 4 мг, табл.

30. *Эналаприл 10 мг, табл.

31. Симвастатин 10 мг; 20 мг, табл.

32. Аторвастатин 10 мг; 20 мг

33. *Фуросемид 40 мг, табл.

34. *Фуросемид, 40 мг амп.

35. *Спиронолактон 100 мг, табл.

36. *Гидрохлортиазид 25 мг, табл.

37. *Амиодарон 200 мг, табл.

38. *Амиодарон 150 мг, амп.

39. *Диклофенак 75 мг, амп.

40. *Преднизолон 30 мг, амп.

41. *Преднизолон 5 мг, табл.

42. *Диазепам 2,0 амп.

43. *Диазепам 5 мг, табл.

44. * Адам инсулині еритін, биосинтетикалық инъекцияға арналған 100 Бір/мл

45. Калий хлориді 4% 10,0 ампулада

46. *Глюкоза 5% 200 мл

47. *Натрий хлориді, инфузияға арналған 0.9% пластик құтыда, 500 мл

Қосымша дəрі-дəрмектердің тізімі:

1. *Цефазолин 1 г инъекцияға арналған ұнтақ, флаконда

2. Триметазидин 20мг, табл.

3. *Токоферол ацетат 30 % 1 мл, ампулада

4. *Атропин 0,1% 1 мл, ампулада

5. *Дигоксин 25 мг, табл.

6. *Дигоксин 0,025% 1 мл, ампулада

7. Фруктозо-дифосфат 5 мл, ампулада

8. Тианептин 12,5 мг, табл.

9. *Лидокаин 2%, 10 % 2 мл ампулада

10. *Допамин гидрохлорид 5 мл, ампулада

11. Норадреналин гидрохлорид 0,2%-1 мл амп.

12. *Аминофиллин 2,4% 5 мл, ампулада

Ем тиімділігінің индикаторлары: айқын ауыруларды азайту, миокардтың қанмен қамсыздандырылуын қалпына келтіру, асқынулардың даму жиілігін азайту, ишемия рецидивін жəне МИ қайталануын алдын алу, емнің жанама əсерлері минимумындағы өлімді азайту.


* – Негізгі (өмірге маңызды) дəрілік заттар тізіміне кіретін препараттар.

 

Госпитализациялау үшін көрсетімдер:

1. Жіті коронарлық синдром болу.

2. Миокардтың жіті инфаркті жəне оның асқынулары болу.