Жіті жəне жітілеу иридоциклит

 

Жіктемесі:
1. Инфекциялық.
2. Инфекциялық-аллергиялық.
3. Жүйелік жəне синдромдық.

4. Жарақаттан кейінгі.
5. Этиологиясы анықталмаған.

 

Қауіп-қатерлі факторлар:
1. Жоғарғы тыныс жолдарының инфекциялары.
2. Асқазан-ішек жолының инфекциялары.
3. Ауыз қуысының инфекциялары.
4. Синуситтер.
5. Жүйелік жəне синдромдық аурулар.
6. Көз жарақаттары.

 

Диагностика критерилері

Шағымдар мен анамнез: жарықтан қорқу, көзден жас ағу, блефароспазм, көздегі ауыру сезімі, көру өткірлігінің төмендеуі.

Физикалық тексеру:

- перикорнеалдық инъекция, қарашықтың тар болуы;

- алдыңғы камерадағы ылғалдың опалесценциясы, фибрин немесе гипопион, сирек - көздің алдыңғы қуысына қан құйылу (гифема);

- мөлдір қабық пен көзбұршақтағы преципитаттар;

- нұрлы қабық стромасының гиперемиясы жəне ісігі, соның салдарынан түсінің өзгеруі;

- көбінесе артқы жабыспалардың (синехиялардың) түзілуі;

- гипертензия немесе гипотония;

- жүйелік жəне синдромдық иридоциклиттердегі арнайы симптомдық кешен.

 

Негізгі диагностикалық шаралар тізімі:

1. Визометрия.

2. Биомикроскопия.

3. Офтальмоскопия.

4. Тонометрия.

5. Периметрия.

6. Эхография.

Қосымша диагностикалық шаралар тізімі:

1. Гониоскопия.

2. Циклоскопия.

3. Бассүйектің екі проекциядағы шолу рентгенографиясы.

4. Туберкулезге, саркоидозға күдік болғанда кеуде қуысы ағзаларына рентгенография жасау, С-реактивті белокты анықтау.

5. Жалпы белокты анақтау.

6. Белок фракцияларын анықтау.

7. Сиал қышқылдарын анықтау.

8. Электрофизиологиялық зерттеу (электроретинография, электрофосфен, көріп шақырылған потенциалдар, ұшқындар бірігуінің критикалық жиілігін зерттеу).

9. Қанды ВИЧ-ке тексеру.

10. Вассерман реакциясы.

11. Қарапайым герпестің вирусын анықтау үшін ИФА немесе ПЦР жасау.

12. Цитомегаловирус токсоплазмоз, бруцеллез, хламидиялар.

13. Ревматологтың консультациясы.

14. Фтизиатр консультациясы.

15. Туберкулин (Манту) сынамасы.

Бұдан басқа, жедел госпитализация кезінде госпиталдық кезеңге дейін жүргізілмеген барлық жалпы клиникалық тексеру шараларын жүргізу қажет.

 

Емдеу тактикасы

Ем мақсаты: қабыну процесін, ауыру синдромын тежеу.

Дəрі-дəрмексіз ем: жоқ.

Дəрі-дəрмекті ем:

1. Аурудың этиологиясын анықтау.

2. Жабыспалар пайда болуының алдын алу: ұзақ циклоплегия, мысалы, атропинмен бір тамшыдан 2-3 рет тəулігіне. Синехия түзілуге тұрақты бейімділік болса - субконъюнктивалық инъекциямен мидриатиктер енгізеді, мысалы, атропин 0,1% - 0,1-0,2 мл, адреналин 0,18% - 0,1-0,2 мл, немесе мидриатиктер араласқан электрофорез жасалады.

3. Антибактериялық ем (мысалы, ципрофлоксацин 1 кап. х 6 рет күніне). Жалпы антибактериялық ем таблетка, бұлшықетішілік немесе венаішілік инъекциялар түрінде, мысалы, ципрофлоксацин 500-1000 мг 2 рет күніне, гентамицин 80 мг 2 рет күніне. Антибиотиктер параорбиталық инъекциялар түрінде, мысалы, ципрофлоксацин 50 мг 1-2 рет күніне, гентамицин 20-40 мг 1-2 рет күніне. Метронидазол венаішілік инфузия түрінде (100 мл 1-2 рет күніне).

4. Арнайы емес қабынуға қарсы ем, мысалы, индометацин 1 тб (25 мг) 3 рет күніне.

5. Стероидтық ем, мысалы, дексаметазон тамшылары (бір тамшыдан əрбір 1-2 сағат сайын емнің басында, кейін 4-6 рет тəулігіне), түнде құрамында гормондары бар жақпа май таңу, немесе дексаметазонды параорбиталық инъекция түрінде енгізу 0,2-1,0 мл/тəул. Құрамында антибиотиктер жəне стероидтар бар күрделі тамшылар қолдануға да болады. Процесс қайталанып келетін болса, аурудың жүйелік жəне синдромдық сипаты болса, жəне ішкі ағзаларда қарсы көрсеткіштер болмаса - жалпы стероидтық ем жүргізіледі.

6. Дезинтоксикациялық ем (венаішілік инфузиялар).

7. Гипертензия немесе екіншілік глаукома дамығанда - жергілікті гипотензивтік ем, нұрлы қабық жарылғанда (бомбажында) - лазерлік иридэктомия жасалады.

8. Қосымша офтальмопатологияларды анықтау.

9. Осы ауруға əкелетін жалпы патологияны анықтау, табылған жағдайда сəйкес патогенетикалық ем жүргізу.

10. Сіңіру емі - жедел қабыну процесі басылғаннан кейін 1 айдан кейін жүргізіледі.

 

Негізгі дəрі-дəрмектер тізімі:

1. *Ципрофлоксацин 250 мг, 500 мг табл.

2. *Гентамицин инъекцияға арналған ерітінді 40 мг/мл, 80 мг/2 мл ампулада

3. Индометацин 250 мг табл.

4. *Дексаметазон ерітіндісі (көз тамшылары) 0,1% 10 мл

Қосымша диагностикалық шаралар тізімі: жоқ.

Ем тиімділігінің индикаторлары: (емді амбулаторлық жалғастыру кезеңі) - қабыну процесін, ауыру синдромын тежеу.


* – Негізгі (өмірге маңызды) дəрілік заттар тізіміне кіретін препараттар.

Госпитализациялау үшін көрсетімдер:

1. Бірінші қаралған кезде - преципитаттар, фибрин немесе көздің алдыңғы қуысында ірің жиналуы (гипопион), артқы жабыспалар (синехиялар) болуы.

2. Амбулаторлық емді 5 күн жүргізгенде нəтиже болмау немесе əлсіз нəтиже.

Ауруханаға жатқызу алдындағы қажетті тексеру көлемі:
1. Жедел госпитализация - офтальмологтың тексеруі.
2. Жоспарлы госпитализация - офтальмологтың тексеруі, жалпы қан анализі, жалпы несеп анализі, микрореакция, нəжісті құрт жұмыртқаларына тексеру, қандағы глюкозаның мөлшерін анықтау, ЭКГ, флюорография, стоматолог, отоларинголог, терапевт консультациясы.